दशैं तिहार बिदा सम्बन्धमा l
News
Tuesday, October 8, 2024
आदरणीय अभिभावकज्यु,
नमस्कार
विजया दशमी, शुभ दीपावली, न्हु दँया भिन्तुना तथा छठ पर्व २०८१ को पावन अवसरमा हजुरहरुमा सुख शान्ति तथा समृद्धिको हार्दिक मंगलमय शुभकामना व्यक्त गर्दछु । यी महत्वपूर्ण चाडपर्वहरूले हामीलाई सामाजिक सद्भाव, पारिवारिक स्नेह र सांस्कृतिक धरोहरप्रतिको माया दर्शाउन मद्दत गर्दछ । आशा छ, यस पर्वसँगै हजुरहरु सबैको घरमा सुख, शान्ति, र समृद्धिको आगमन होओस् ।
विजया दशमी तथा दीपावलीको पावन उपलक्ष्यमा मिति २०८१/०६/२४ गतेदेखि मिति २०८१/०७/१९ गते सम्म विद्यालयको नियमित पठनपाठन एवं प्रशासनिक कार्यहरू बन्द रहने व्यहोरा सूचित गरिन्छ, तर यस समयमा विद्यार्थीहरूको शैक्षिक निरन्तरतामा कुनै बाधा नआओस् भन्ने उद्देश्यले प्रत्येक कक्षाका नानीबाबुलाई केही गृहकार्य उपलब्ध गराइएको छ ।
बिदाको समयको सदुपयोग गर्दै दशैं र तिहारको बीचमा बालबालिकालाई उपलब्ध गराइएको गृहकार्य गराउन र नियमित पठनपाठनमा उनीहरूको ध्यान आकर्षित गर्न सहयोग गर्नुहुन अनुरोध गर्दछु । विद्यार्थीहरूको शिक्षालाई निरन्तरता दिनु हामी सबैको साझा जिम्मेवारी हो र हजुरहरूको सहयोगले उनीहरूको शैक्षिक प्रगति अझ सफल हुनेछ भन्ने कुरामा हामी विश्वस्त छौं ।
अन्त्यमा, पुनः एकपटक हजुरहरु सबैलाई चाडपर्वको शुभकामना व्यक्त गर्दै, विद्यार्थीहरूको उज्वल भविष्यको कामना गर्दछु । यस पर्वको उल्लासपछि कार्तिक २० गते मङंगलबारबाट पूर्ववत् विद्यालय सुचारु हुनेछ ।
धन्यवाद,
अनुप शर्मा
प्रिन्सिपल
